稅季固然是銀包出血的日子，但亦是借平錢、補充銀彈的好機會。每逢稅季，銀行都會各出奇謀推稅貸，其利率之低，基乎冠絕所有貸款產品，故不少散戶都愛借稅貸投資，本文主角Johnny便是典型的例子。兩年前，Johnny開始借稅貸投資，成績尚算滿意。今年他打算再接再厲，趁美國加息前，借平錢投資。不過，今時今日借錢投資環境波動，不少專業投資者都連連損手，一句到尾，投資涉及風險，散戶宜小心為上！
「我唔使供樓，又無卡數要還，交稅都係四位數字。」從事IT 行業的Johnny交稅零壓力，但近年他卻成為稅貸的捧場客。Johnny四年前開始投資股票後，深覺靠股票賺錢遠比儲錢快，之後開始鑽研股票借錢投資，「我每個月儲1萬，每年都係得12萬，5年都係得60萬，距離買樓個目標仲係好遙遠，但我買股票，一次可能已經賺3、4萬蚊，資本增值速度會快啲！」為了獲取更多投資資本，兩年前Johnny開始借低息稅貸。今年7月，中港股災，恒指單日一度急瀉2138點，創歷來最大點數跌幅，埋單亦跌1458點。那天，Johnny借錢重搥出擊，斥資30多萬元入市，當中約三分之一的資金便是來自稅貸。結果他「小幅獲利」，可算是不幸中的大幸。
慎選還款期及貸款額
最風光那次，Johnny在4個月內，獲利三成，但投資有賺自然有蝕，Johnny最傷的那一次，賬面損手10萬元，不過他強調「但一日未放都唔係真蝕！」。撞正最近股市不好景，Johnny坦言亦有「蟹貨」在手，當中包括之前當炒的券商股。借貸投資，風險更高。其實Johnny深明這道理，所以他借貸的金額會控制在月薪的4至5倍，以確保一年內可還清貸款，「分兩年還，利息會高啲，唔抵！」雖然看似精打細算，但Johnny直言未曾因為借稅貸格價，「其實都冇可能會拎到佢(銀行)最優惠借貸條款，(各間銀行)息差都係爭1至2厘，埋單最多差1000至2000蚊，所以我都唔浪費時間，現金快到手仲實際！」
投資宜分散風險定好止蝕價
投資策略方面，Johnny的投資秘訣其實並不特別—-「做定功課」、「吼低位入市」。自認是穩健型投資者的他，每次投資都會做足功課，睇勻公司年報、新聞借貸、大行報告，而且多數只買正股，尤其鐘情內銀股，貪它們高息，波幅少。有時侯，為了提高回報，Johnny亦會短炒細價股，「細價股啲回報都幾高，有4、5成，不過風險相對高，我會定好止蝕價，最多蝕三成就走人！」他又告誡其他有意借稅貸的投資者，「其實借稅貸投資同碌信用卡一樣，都係先使未來錢，一定要考慮自己既負擔能力，切忌瞓身，玩到還唔到錢！」借貸借款投資，嚴守紀律最為重要！