偷得人地址去借錢, 你預咗佢唔還都得嘞. 到佢走數時d收數佬會踩上你屋企收數. 到時有排煩. 淋紅油.

盜用他人地址去填form借錢, 即係以假資料令財務 / 銀行貸款, 已經犯咗香港法例第200章<刑事罪行條例>第73條 - 使用虛假文書的罪行:

任何人知道或相信某虛假文書屬虛假, 而使用該文書, 意圖誘使另一人接受該文書為真文書, 並因接受該文書為真文書而作出或不作某些作為, 以致對該另一人或其他人不利, 則該名首述的 人即屬犯罪. 一經循公訴程序定罪, 可處監禁14年.

你有兩個方法可做:

1. 如果你知道佢個名同向邊間銀行 / 財務借錢, 咁你可直接寫信(以雙掛號郵寄, 記得存底!)俾該間銀行 / 財務, 話明呢個人唔喺你家居住, 佢只係盜取你家地址借錢. 等銀行去解決. 咁做有度好, 到時收數佬上門時, 大條理由踢佢走.

2. 你可再報警. 今次同警察講懷疑有人行使假文件而要報案. 警方再唔受理就同個阿Sir講會去CAPO投訴佢.